Resolutzione alternativa de sas cuntierras
Si nos as mandadu unu recramu chi non semus renèssidos a resorvere, depes ischire chi est istituidu cun lee su servìtziu de resolutzione online de sas cuntierras de sos consumadores! Dae su 9 de ghennàrju 2016 esistit unu giassu online inue podes agatare sa lista de sos organismos chi podes cuntatare pro abèrrere una protzedura online de resolutzione de sas cuntierras. Atzapas totus sas informatziones a s’indiritzu in fatu: https://ec.europa.eu/consumers/odr/
Pro cale si siat àtera informatzione, no istentes a cuntatare su Servìtziu Clientes nostru, a s’indiritzu info@nuscos.shop.
Annotatziones legales
Dae su 9 de ghennàrju 2016 podent èssere aplicadas sas dispositziones introdùidas cun su D.Lgs. 6 austu 2015, n. 130, e cun su Regolamentu UE n. 524/2013 in contu de Alternative Dispute Resolution e de Online Dispute Resolution. Sa punna de custa normativa est de favorèssere sa resolutzione amistosa de sas cuntierras intre professionistas e consumadores pro mesu de mètodos alternativos, a tipu s’Alternative Dispute Resolution (ADR) e s’Online Dispute Resolution (ODR). In custu momentu Nuscos no at galu s’agiudu de perunu organismu ADR mentovadu in sos artìculos 141-bis e sos in fatu de su Còdighe de su Consumu; pro sa resolutzione online de sas cuntierras de sos consumadores semper e cando podes intrare in su giassu europeu de Online Dispute Resolution (naradu giassu ODR). Su giassu ODR podet èssere consultadu in s’indirìtzu in fatu: http://ec.europa.eu/consumers/odr/; pro mèdiu de su giassu ODR sos consumadores ant sa possibilidade de consultare s’elencu de sos organismos ADR, de agatare su link a su situ de cadaunu de custos pro inghitzare, si serbit, una protzedura de resolutzione online de sas cuntierras chi pertocant unu cuntratu cumpridu online chi podet àere su sòtziu nostru che a una de sas partes.
Siat su chi siat su resurtu de sa protzedura de cumpositzione extragiuditziale de sa cuntierra, as a tènnere semper sa possibilidade de ti indiritzare a su giùighe ordinàriu o, si b’ant sos presupostos, de promòvere una resolutzione extragiuditziale de sas cuntierras in contu de raportos de consumu, inghitzende sas atziones mentovadas in sa Parte V, Tìtulu II-bis de su Còdighe de su Consumu.